لا تحرموني من أرآئكم لا حرمكم الله الجنة

[وحدة بأولى]

8][السلام عليكم ورحمة الله وبركاته
مسائكم فل وريحان وطاعة للرحمن
أبي أرآئكم أخواتي : أنا بسنة أولى ومستواي بالإنجليزي مش ولابد وأنا قررت بالإجازة هذي آخذ دورات لغة إن شاءالله بس ما أدري وين آخذ وأبي منكم النصيحة علماً بأن المدن المتاح لي إني آخذ دورة فيها جدة وبالقصيم هنا وبصراحة ما أبي أبعد عن أهلي وأروح جدة إلا في حال ماتوفر بالقصيم شي مضمون والمعاهد اللي سمعت عنها بجدة (وول ستريت) و (أكسفورد) و (نيوهورايزن) وبالقصيم ( نيوهوزايزن ) فقط
فياليت تساعدوني بخبراتكم ولله بجد محتارة أبي آخذ بالقصيم بس خايفة أندم لان محد مدحهم 000
ولكم شكري وإمتناني 0[/size]00

[عذبة الروح]

والله ماعندي أي فكرة...!!!

بس فيه مواقع بالنت تاخذين منها دورات...!!!

راح أسأل لك وأرد عليك بإذن الله...!!!

[وحدة بأولى]

مشكووووووووووورة أختي (عذبة الروح) ماتقصرين وأنا بإنتظار ردك

[وحدة بأولى]

حراااااااااااااااااااااام عليكم 35مشاهد
ولا وحدة ردت الله يعافيكم اللي عندها خلفية ترد
الوقت مو من صالحي أبداً
واللي يعافيك عذبة الروح ما بعد حصلتي خبر
ترى معلقة أملي فيك ولا يهونون الباقين

[Wish 2 be better]

أهليــــن حبيبتي ...

والله ما عنــدي أي فكره عن المعاهد الحلوه و اللي راح تفيدك بتطوير لغتك لاني ماقد التحقت باي واحد ....

بس انصحك تقري كتب انجليزيه اللي تعتمد عليك وتسمى self-help
تلقين القسم هذا باي مكتبه اتوقع و اللي متاكده انوا راح تلقينه بمكتبة جرير و العبيكان لاني اخذه منهم كتب ...

الكتاب اللي اقراه الحين لكن ماخلصته و هو يعتمد على المساعد الذاتيه مثل ما قلتلك ...اسمه

Stop Worrying and Start Living

(أوقف القلق و ابدأ العيش )

بصراحه يعجبني لان كلماته مو صعبه مره ... ليـــه ؟؟ أقولك ليه ...

لأنه يتكلم عن المشاكل اللي يواجهونها الناس بحياتهم و كل مشكله يعطيك حلها باخر فصل .. الحلو فيه ان المشاكل واقعيه يعني يكتبتلك اسم الشخص و مشكلته و كيف قدر يتجاوز هالمشكله ... يمكن تقولين مشاكل و كلماتها راح تكون صعبه .. لا بالعكس بما انه مشاكل يوميه تحصل في حياة اي انسان يعني راح تعرفين كثير من الكلمات اللي راح تفيدك بحياتك اليوميه..
و نسيت اقولك انوا باخر فصل غير انوا يعطيك حل المشكله يكتبلك اسئله عن نفس المشكلة عامة .. يمكن ما فهمتي قصدي بس لما تقرينه راح تعرفين ...(صراحة انا استفدت منه لغويا و عمليا )


أكيد بتواجهين كلمات ما تفهمين معانيهم باي كتاب مو شرط هذا لكن معليش ما في أحد يتعلم بدون جهد وتعب .. خلي جنبك القاموس و قلم الرصاص .. اي كلمه ما تعرفين معناها طلعيها من القاموس و اكتبي عليها المعنى (هذي طريقتي )...


غير قراية الكتب الانجليزيه ... ادخلي دوراات انجليزيه بالنت .. فيه مواقع حلوه ...

الموقع اللي انا مسجله فيه

www.livemocha.com

اكيد لازم تسجيل فيه .. تصير لك صفحه لك ... تقدرين تشاركين غيرك بانهم يقيمونك .. تتعرفين على اصدقاء يتكلمون انجليش بالفطره (native speakers ) و هذا اكثر شي راح يساعدك بتطوير لغتك حسيت تغيير كبير بالنسبه لي...

الموقع هذا يعطيك واجبات كل اسبوع ... نفس الواجب يخليك تحلينه بكم طريقه يعني كتابة و قراءه و استماع و غيره .. هذا يساعدك بتطوير كل مهاراتك لانه يستخدم كل مهارات التعلم بحل نفس الواجب و تكراره .. اذا خلص اسبوع يعطيك واجب ثاني و كذا ... بحالة انك ما حليتيه راح يكتبلك بنفس صفحتك ع الجنب last due و بكذا تقدرين تعرفين اللي سويتيه و اللي ما سويتيه ....


أتمنى اكوون أفدتك ... الله يوفقك و يخليك بلبل بالانجليش 8 _ 8 ...

[عذبة الروح]

فيه مواقع تقدر تساعدك...!!
تسجلين فيها..وتدرسين...كأنك بالكلية...!!
تقدرين تروحين للمكاتب الكبيرة في جدة وتاخذين مجموعة كتب خاصة بتعلم الانجلش...!!
بس هالشئ ما أفضله..إلا إذا كنت من هواة القراءة...!!
0
0
عندنا بالرس معهد ** العالي** حلو دوراته..إذا كانت الهندية موجودة..إلى الآن لأن زميلاتي في سنة رابع جربوها وامدحوها..!!
0
0
عندنا ** نيوجنيريشن** معهد قمة واللي يدرسون أصحاب اللغة نفسهم من بريطانيا وأمريكا..إحتمال يفتح فرع نسائي عندنا...وهذا الخبر اللي وصلني..من شخص قريب لمالك المعهد..
0
0
هذا اللي عندي أتمنى إني أفدتك...
إذا احتجتِ شئ بلغين...
أنا بالخدمة....
*-*

[Wish 2 be better]

أنـــا سمعت فيه هنديه تدرس بالبيت ... بس مو متأكده ...

ليه ما تروحين لمدرسه انجليش خصوصيه ... تروحين لمها و تتكلمون طول الوقت انجليش تسوي لك محادثات .. تسالك اسئله ... هالفكره عجبتني بس ما طبقتها ...


بالنسبه لمعهــد " نيوجينيريشن " ... اصدقاء اخواني يمدحونه له بس مافيه قسم نسائي ...

[queen]

جـــــــــــــــــــــــده

بس من زماان قبل 3 سنوات تقريبا بنات عمتي يمدحونها

السعودي البريطااني (الفرع في الحمراء)

بس عندهم قرامر يعني مافي حصة محااادثة

والمعلماات بريطانين مايتكلموا عربي

اما معهد نيوهورايزن ( بالتحلية )

حلو ليش لأنو عندهم يوم قرامر ويوم كمفورسيشن ويوم مهارات الكتابة

طبعا على حسب الجدول اللي يعطونك

والمعلمات فيه اجانب وفيه عربيات


الريـــــــــــــــــــــــاض

عندكـ اكاديمية الفيصل مره رووعه وتفتح نفسكـ لكل شي
جربته مره بس انصحك فيه وبسالك اذا كان فيه فرع لهم بجده مادري<<بسألك

بمعاهد دايركت إنجلش العالمية (فيه فرعين بالعليا وو الروضه)

حلوه وجربتها مرتين مره استفدت ومره لا لانه على حسب المدرسه اللي تدرسك

واذا قررتي تدخلينها قولي لي اعلمك احسن الاستاذات تسجلين عندهم

اقصد الفرع اللي بحي الروضه الفرع الثاني ماجربته


القصـــــــــــيم

لا اعرف فيها شي


اتمنى اني افدتكـــ

وبالتوفيق

[صميم القلوب]

أختي أعرف دااايركت أنجلش و نيو هورايزن بالقصيم (عنيزه)..مررره جناان كلن يمدحه..صديقة زميلتي في عنيزه آخذه الى المستوى الثاني وما شاء الله عليه ماااشيه بالانجلش...

أماافي الرس: معهد العااالي وترى فيه دوراات مجااانيه في الاجازه الصيفيه اذا حااابه تستفيدي شوفي موضوووع مثبت في المجلس العااام عن الدوراات المقاامه في برنااامج الامير فيصل للتدريب..

تقبلي مروووري

[وحدة بأولى]

أهلين أخواتي
الله يجزاكم عني كل خير ولله ما قصرتوا كفيتم و وفيتم
وإن شاءالله إحتمال أسجل ببريدة لأن راح من الوقت شي كثييييييييير وما أتوقع فيه دورات برمضان الله يبلغنا إياه وياكم على خير
و ولله ما راح أنساكم من دعواتي وإن أبلغكم إذا أخذت واستفدت
مشكوووووووووووووووووووورين والله يجزاكم خيييييييييييييير