بخصوص الزي في الشتاء

[أميرة الورد]

السلام عليكم ورحمة الله وبركاته

صباح/مساء الخير

كيفكم صبايا

حابه اسألكم عن الزي في الشتاء؟؟؟؟؟؟؟؟؟؟؟؟؟؟؟؟

الالوان مسموحه والا لا؟؟؟؟؟؟؟؟؟؟؟؟؟؟

ردوا علينا ....

[الغيوورة]

والله أنا لبست شتوي أحمر وحسبوا لي مخالفة وقالوا ما وصلهم خبر بسماح الألوان..

بمعنى اكرفي بالملابس الصيفية لحد ما تلقين شتوية غير مخالفة للنظام..

[الغيوورة]

الألوان الشتوية محددة ألوانها وهي أبيض وسكري ورمادي وزيتي غامق(هذا المتفق عليه) ونسيت أسود

(المختلف فيه ) بني وكحلي ..

حسب ما وصلنا من الإدارة..

[هيمي ساما]

صدق ممنوع !!!!!!!!!!!!!
لــــــــــــــــــــــيــــــــــش ممنووووووع الالوان ؟؟؟؟؟؟


يعني وش نسوي ب البلايز اللي عندنا الملونه .

استغفر الله العظيم ..

ان شاالله انه مو ممنوع

[Wonderful Girl]

الحين الي بالمدراس يلبسون بالشتاء ملابس ملوووونه

وحنا الي بالكليه انوااااااااااع التخلف

يااااااااااااربيييييييييييييييييييييييييييه وش التعقيد

لا والمشكله تأخذون البلايز ولا ترجعونهن >> صايرتلي شخصيا

اسمحولي شي يقهر

[محبة الجنان]

بصراحة الشتاء لازم يسمحوون بالبلايز الملونه!!!
أولا السوق كله شتوي ملون وصعب تلقين الألوان المحددة بسهولة ...
وثانيا جميع الكليات والجامعات تسمح بالألوان في الشتاء خاصة

فياليت من كليتنا الغالية النظر بموضوع الزي ..

[قــ أطيب ــلب]

اهلييييييين وسهليييييييييييين..
يااااحبيلكن عندكم امل تتغير هالكليه... الناس وصلت للقمر وحنا يلاحقوننا على الالوان... لا واللي يقهر ان اللي تكتب للبنات مخالفات على الالوان تلبس ملون!! وش هالتناقض
قالو ايش قالو جامعه !!!

[قصة مشاعر]

مساء الخير
الصراحه قمه السماجه
قال جامعه القصيم قال
يطبقون الي يبون والي من صالحنا ممنوع
يامسؤلين حنا كبار وش بعد الكليه يعني
المدارس مسموح لهم بالاوان اوما الكليه من اردى لردى
والله مقهوره يهتمون الاشياء السطحيه
اما المضمون مافيه شي
العام الشي الي من صالحنا اسمحو بالاوان
ممدانا نستانس الى قالو ممنوع
على كذا يبي لنا مزنيه خاصه نشتري بها ملابس للكليه
والله وش ذا الوان الممسوحه الوان عيال (انا اقول لبسونا ثياب وشمغ احسن) مابقى غيره

[pink star]

من جد شي يرفع الضغط لنا ثلاث سنين نشتري بها البلايز ولا نلبسهن الا بالكليه ومن شتاء ل شتاء بس وبالقيمه الفلانيه وشي موسهل وكلهن ملونات الحين حبكت معكم تمنعون مابقى الا ذي عاد بنموت من البرد والسبب كليتنا الموقره انواع التخلف والله لو اننا على بنك يمدينا فلسنا من هالكتب والمصاريف اللي ماله سنع ارفقوبنا شوي ترى والله حنا بشر مثلكم

[ألماسة]

لا تتعبون انفسكم محد مناظر لكلامكم كم لنا وحنا نشتكي من رئيسة القسم ولاحد عبرنا تبون يسمعون كلامكم بالزي

بس متى اتخرج من هالكلية

[**fajer**]

ههههههههههههههههههههههههههههه
عاتي عاتي
انواع التخلف بهالكليه خلي الزي يهون عند غيره ...!!..؟؟..؟؟..
ما أقول الا يا كبر شرهتكم بس .................
متى اطلع من هالكليه وه بس ...............