تخبط في إدارة القسم .. و جداول جديدهـ - الله يعيننا عليكم -

[يكفي حضوري ..!!]

السلام عليكم و رحمة الله و بركاته

انا لا أحكي هنا عن شخصي فقط بل أتكلم عن مصير 150 طالبة أو يزيد من طالبات اللغة الانجليزية للفرقة الثانية

الاتي واجهن أشبه ما تكون بالصاعقة لهذا اليوم السبت الموافق 17 / 11 / 1429هـ

من حيث ابدا وكيف انتهي

لست ادري ...!!

بداية لا ادري لمن نشتكي لرئيسة قسم وهي بحاجة لا ان تشتكى

يكفي عند ما طرق ببابها ونلتجي ليها تردد على مسامعنا (( وانا مالي ))

انت رئيسة القسم

انت مسؤولة عن ما يزيد عن 400 طالبة هم في رقبتك يوم القيامة

انت من يدير القسم ادارة كاملة فبحنكتك وحكمتك تخرجي جيل يشار اليه بالبنان

ليس هي مناط موضوع

فالغرض منه .....

عند ما نفاجاء بجدول اليوم غد الاحد من المحاضرة الاولى الى المحاضرة الخامسة ونحن نتسكع في اروقة الكلية

ونتسدح بالثيل : (

الى ان تحين المحاضره الخامسه الى السابعه ..

طوال أوقات الصبح فاضين ’ وآخر الدوام محاضرهـ سابعه الى الساعه الثانيه وخمس ..

اتمنى أن ينظر في هذا الأمر ..

يـ أما يعدل الجدول أو يسمح بالحظور متأخرين حيث وقت المحاضرة ..

[احساس انثى]

الله يعيننا بس ...
وسعي صدرك وان شاءالله شده وتزول

[just smile]

ايوالله ماااله دااعي ابداا,,

اووووف الله يعين عليهم هم وحوستهم,,

ياليت يشوفون له حل بسرعه,,





مشكورة على الموضوع وان شاء الله يعطوننا فيس:001:

[ألماسة]

ياليت تتغير رئيسة القسم لانها حملت مسؤولية مهي قدها
يكفي read at home

[\\..Sm!le]

معــاك حق
يعني تخيلوا جايين وفازعيـن من صباح الله خيـــر
وأول محاضره عندنــا الساعه 11 وثلث

[قــ أطيب ــلب]

هلاااااااا بخيتوووو
والله جبتيها على الجرح...اني بغيت اصيح يوم شفت الجدول..
باللهي الاحد كل الوقت على قولتس نتسكع بهالكليه ونتسدح وطفشنا
ووننطق اخر شي ثلاث محاظرات الخامسه والسادسه والسابعه :o
قسم انه ظلم بعينه والله ياليت الجدول يرجع زي اول قهرروالله قهررر..
وكله كوووم واستاذه ***** كوم ثاني:oوراهم غيرو استاذة *****؟!
يعني لنا شهر تقريبا واكثر وتعودنا عليها والحين يغيرونه!!!!!!
وش اقوول بس واللي يقهررر الصدق استاذ ***** بالصرف هذا كيف نبي نتعامل معاه :o:o:o:o:o:o:o:o:o

قسم مأسآآآت هالكلييه والله يعيننا على بلواناا يااارب

[الـمـزيـونـة]

:001::001:والله حالتكم حاله
اليوم وحده من صحباتي ما عندها إلا السابعه
تخيلوا بس السابعه ورازه عمرها من الصباح ولا بعد تروح مع نقل
والله مشكله تربط بنات النقل على حساب المحاظرة.
.
.
كان الله في العون

[يكفي حضوري ..!!]

آشكر لكم ردودكم ..

واي والله .. الله يعيننا ..

يعني اليوم سبع ونطلع والكليه فاضيه مافيها ولا مخلوق الا ثاني انجليزي ..

ولا كمان رئيسة القسم الي نفسها حاطه الجدول الظاهر طالعه ..

صراحه أنواع العذاب ..

ومعجبهم يعني الريدنق ثالث مرهـ تتغير معلمة المادة وبنص الترم بعد ..

و ******** بالصرف .. وشلون تجي هذي بالله ..

يعني معجبه اشكالنا العام وحنا بس نراكض وراهم ونتشكى منه ويجيبونه السنه هذي كمان ..

المشكله السنه هذي لمين راح نشتكي :(

الله يكون بعوننا ويرحموننا من هالتخبط الي صاير بالقسم ..

[أميرة الورد]

والله حرااام عليكم حسوا فينا..
احنا نجي من بعيد من 6ونص وحنا بالكليه ولا نطلع الا 2 وخمس والله حاله ..يعني بالاختبارات متى برجع للبيت المغرب!!!!

ياليت تعيدون النظر بالجدول..

[الزهره]

الله يعينكم
ويسهل عليكم
ويحل امركم

[Wonderful Girl]

ياليت تتغير رئيسة القسم لانها حملت مسؤولية مهي قدها
يكفي read at home


نفس الكـــــــــــــــلام ,, لو اشتكينا الى يوم يبعثون ماحد سمعنا