اجتماع بنات الانتساب

[ارض الجليد]

يا هلا يا هلا

حيا الله من جانا
تو ما اسفرت و انورت

تفضلو حياكم الله الموضوع لكم والصفحة صفحتكم :D

يا بنت جيبي البخور ;)
يالله تبخرو

ياهلا ورحب ببنات الانتساب


اخبار الجلسة بالبيت ؟؟؟؟
انا بصراحة مليت لي اكثر من سنه بالبيت و الحين سجلت انتساب طبعا قسم " دراسات " الله يعين

اخباركم انتم؟؟

رحت يوم الاثنين التاريخ 17/10/1428هـ اسأل عن ( حقيبة الانتساب ) قالوا لي تعالي الاسبوع الجاي
انا فكرت ما اجي الا الاسبوع الي عقبة احتياط
طيب يا بنات اببدأ بالاسئلة والي تعرف و عندها الخبر الاكيد تنزله الله يعافيكم حتى لو كانت انتظام بس ردو
بسم الله :

متى تنزل الحقيبة؟؟؟؟؟ و اذا نزلت انشرو الخبر يعني حطوه عشان يكون الموضوع مرجع للمنتسبات
كم مادة عندنا ؟؟؟
وش المادة الصعبة عندك ؟؟؟
متى اختبار القران ؟؟؟؟
متى تنزل الجداول ؟؟؟
متى الاختبارات ؟؟؟
مين رئيسة القسم ؟؟
مين المدرسات و المدرسين ؟؟
الصعوبات الي واجهتك خلال المذاكرة ؟؟؟؟؟؟طبعا بعد ما تنزل الحقيبة و تذاكرون
طيب مذكراتنا و مراجعنا نفس المنتظمات و الا لا ؟؟؟
ممكن ناخذ التخطيط من المنتظمات ؟؟


يالله يا بنات تفاعلوا معي لا تفشلوني:eek: ترى ابزعل :confused:

تحياتي

[ارض الجليد]

رحت اليوم الاربعاء 27/10 قالو تطلع حقيبة الانتساب الاسبوع الجاي يا السبت او الاحد طبعا معها بطاقة المنتسبة " ما تدخلين الاختبار الا بها "

طبعا على طالبة الانتساب الحضوراولا
ثانيا : جيبي معك بطاقة العائلة " ضروري ما يعطونك الحقيبة الا بها ".
ثالثا : اذا جيتي البسي شراب

[محبة الجنان]

أهلين أختي أرض الجليد ...
بصراحة أنا مو في الفرقة الأولى ولا انتساب .. لكن حابه أساعد
رئيسة قسمنا .. استاذه حنان غالي ...
وأي استفسار عن المواد أنا جاهزه .. لأني راح اسأللك طالبات الفرقة الأولى
في القسم ...

[ارض الجليد]

هلا بك "محبة الجنان "
الله يجزاك خير
كم مادة عندنا ؟؟؟
مين المدرسات و المدرسين ؟؟
طيب مذكراتنا و مراجعنا نفس المنتظمات و الا لا ؟؟؟
ممكن ناخذ التخطيط من المنتظمات ؟؟

ادري طولت عليك بس الله يجزاك الجنه و يسهل لك دروبك و يرزقك النجاح و الفلاح
""""""""" و ارض الجليد معك ههههههههههه""""""""""""""""

[محبة الجنان]

هلا فيك أكثر ..
أنا أعرف طالبات في أولى انتظام اسألهم لك السبت ان شاء الله
وأردلك .. انتظريني ..

أختك : محبة الجنان

[محبة الجنان]

اساتذة المواد هم :
علوم القرآن : استاذة أمل
علوم حديث : استاذة حنان غالي
فقه عبادات : د. موسى
فقه دعوة : د. عارف
حديث : استاذة اخلاص
أما المذكرات والمراجع مابعد قالوا هي نفسها وإلا لأ
لكن الغالب نفسها ,, لأن العام جميع الأساتذة قالوا نفسها والله أعلم
واي جديد راح أفيدك فيه ان شاء الله

[ارض الجليد]

الله يعافيك و يجزاك خير

[ارض الجليد]

ابشركم طلعت حقيبة الانتساب

[ارض الجليد]

تاخذين الحقيبة و تروحين للمكتبات بالرس و تدورين لك الكتب .
**انا اخذت للنحو : اوضح المسالك إلى ألفية ابن مالك " تأليف : الامام ابي محمد ...... بن هشام الانصاري المصري " دار الطلائع ". تلقين مع البنات تصوير لكنه ناقص فـ أخذت انا الكتاب بدل المشورة على المكاتب بعد سألته عن التخطيط يقول خوذي من المنتظمات . " الله يجزاة خير "

اما بالنسبة للصرف : كتاب شذا العرف في فن الصرف . تأليف : " الاستاذ الشيخ أحمد الحملاوي رحمة الله " ضبطة , و شرحة , ووضع فهارسة " د. محمد أحمد قاسم ". المكتبة العصرية . برضه خوذي التخطيط من المنتظمات لان مدرسهم واحد .

علوم القران :كتاب مباحث في علوم القران . لمناع القطان . مكتبة المعارف للنشر و التوزيع .

اما بالنسبة للتجويد : غاية المريد في علم التجويد . تأليف : عطية قابل نصر . دار المعرفة .

اما بالنسبة للتفسير : فتح القدير . تأليف : محمد بن علي بن محمد الشوكاني طبعا المكتبة ما تعطيك جزء واحد تعطيك كل الاجزاء . حنا نبي بس الجزء الاول .

- سألت معلمت الحديث قالت خوذي المذكرة من البنات نفسها بدال ما تشترين كتب و بعد خوذي التخطيط منهم .تلقين المذكرة عند مكتبة الهندي .

شوفوا بنات مذكرة العقيده تلقونها في مكتبة الكليه


مذكرة فقة الدعوة تلاقونها بمكتبة الفلاح
و مذكرة التفسير تلاقوها بمكتبة نجد .....فيها اتجاه الكاتب و القراءات

بالنسبة لتوزيع الدرجات لــ E قالت للمنتظمات :اتوقع توزيع الدرجات لنا راح يكون دبل
بالنسبة لمذكرة القطع :للمنتظمات
كل فراغ عليه درجتين و الاسئلة العامة كذلك .
الترجمة عليها 10 درجات .
الـ Word study يجي على شكل صلي .


طبعا التخطيط تقول نفس المنتظمات :
UNIT: 1.......>
القطعة بالاسئلة ( بدون ترجمة ).... يعني .
Word study: الكلمة 1-2-4-5-6.
الاسئلة و الفراغات كلهن .
الترجمة (لا ).


UNIT: 2............>
( محذوفة )


UNIT: 3...........>
القطعة بالاسئلة ( بدون ترجمة ).... يعني :
Word study: الكلمة 1-3-4-5-7.
الاسئلة و الفراغات كلهن .
الترجمة (لا ).


UNIT: 4.......>
القطعة بالاسئلة ( بدون ترجمة ).... يعني :
Word study: الكلمة 2-4-3-6-7 .
الاسئلة و الفراغات كلهن .
الترجمة (لا ).



UNIT: 5........ >
القطعة بالاسئلة ( الترجمه معنا ).... يعني :
Word study: الكلمة 1-3-5-6-7 .
الاسئلة و الفراغات كلهن .
الترجمة (نعم )
كانكم تبون اكتبها لكم عادي بس الحين من الكلية

المذكرة الثانية ما تكلمت عنها

طبعا اختباراتنا راح تكون مع المنتظمات بنفس الوقت و نفس التاريخ

دمتم بود
ادعولي